八仙餅家

营业中

休息中

今日同事无啦啦叫我走去佢个位，以为唔知咩事，原来她买在八仙买了一个鸡蛋糕请我食，我见系鸡蛋糕就好开心，因为我好钟意食鸡蛋糕的，我梗系唔客气啦，个鸡蛋糕都算几大个，面头有一些杏仁一起焗，杏仁都几脆，个蛋糕好软绵，好有蛋香味，搣开个蛋糕，原来入面有少少荳沙，但份量好少，个荳沙都算香甜，但真系好少。又在蛋糕最底部，可能在焗既时候沉晒落底，这样搞到个蛋糕有点失色，其实八仙好多饼点都做得几好，尤其系皮蛋酥，但今次的蛋糕虽然都唔错，但如果荳沙多返少少就好啲。