SupBurwich (已結業)

途经大角咀呢间外卖店，见佢啲嘢食几有特色，尤其🥪猪扒桑多同🌭黑松露蘑菇.真.蟹肉热狗，仲要即叫即整，忍唔住要试下😋😋🎉厚切猪扒桑多Sando🥪 $48😍呢个厚切猪扒桑多真系不得之了，不但卖相吸引，而且份量十足，一份已经塞满成个外卖盒😋，未食已经令人食欲大增。🥩猪扒非常之足料，目测有成吋厚，炸到外脆内嫩兼弹牙多肉汁，🍞面包嘅上下两面都烘得脆口，中间夹满紫椰菜丝、甘荀丝，再配上酸酸甜甜好开胃嘅沙律酱汁，整个配搭非常健康美味又饱肚，果然系必食之选啊💯❤🎉黑松露蘑菇.真.蟹肉热狗🌭️ $73我一见到有黑松露既热狗就两眼发光，仲要加埋蟹肉，真系好难抗拒啊🤩。份量大大份好足料，🌭热狗包烘到外脆内软，黑松露酱和热狗系分开pack，慢慢将黑松露酱倒出，香浓嘅黑松露味随即芳香扑鼻，蟹肉和黑松露多到令成个酱料变得好浓稠😋，食起上嚟个层次提升多几级，令成个热狗食落丰富又好好味啊🤗💖🎉SupBur拼盘A $78有啤酒薯条🍟、薯饼x2、鸡翼x2、鱿鱼圈🦑全部即叫即炸，份量多而且炸得好酥脆。🦑鱿鱼圈弹牙爽口啖啖肉😋 又唔油腻，炸啤酒薯条🍟咬落脆卜卜，有好淡嘅啤酒香。薯饼同鸡翼就正正常常，不过不失🤗。