影片
更多
2018-11-10
121 浏览
一向我都好钟意食意大利菜，朋友介绍话喺深水埗有间好地道又性价比高嘅意大利餐厅一定好啱我，重点系唔收加一🤣于是就跟左佢黎「食意」💕呢度嘅装修俾人一种简单舒服嘅感觉，地方好整洁由于呢度嘅食物系即叫即整，所以店员首先上咗意大利手工面包配黑醋俾我哋食住先，面包上面本身就有少少橄榄油，个人觉得质感似印度烤饼，配埋少少黑醋食，酸酸地都几开胃，店员仲介绍话用嚟点意粉酱汁仲好味！先黎头盘！巴马火腿配哈蜜瓜 $78摆盘真系好有心思👍🏻将火腿卷成玫瑰花形🌹橙色圆形珠珠原来系分子料理既哈蜜瓜汁！好特别！16个月既巴马火腿咸香同埋油份都好适中，配埋多汁鲜甜嘅哈蜜瓜，真系绝配！野菌酱蒜香意式烤面包 $48面包烤得非常之香脆好似薯片咁，野菌酱用咗白菌、冬菇同埋蟹味菇加忌廉制成，所以味道非常浓郁，口感幼滑得黎又保留少少粒状菇肉，喜欢食菇嘅朋友必试！美国黑安格斯护心肉配黑醋酱及巴马臣芝士 $148卖相同摆盘同样非常之精美💕黑醋酱酸酸甜甜好开胃，再加上好似雪粉一样吸引嘅芝士🤤呢个护心肉系店员推荐架！位置系近住牛嘅胸腹，牛肉味浓而且肉质淋滑，比较特别同埋唔系到处有得食！我哋拣咗五成熟，味道果然牛味浓郁，又滑又多汁！我几乎
呢度嘅装修俾人一种简单舒服嘅感觉，地方好整洁
由于呢度嘅食物系即叫即整，所以店员首先上咗意大利手工面包配黑醋俾我哋食住先，面包上面本身就有少少橄榄油，个人觉得质感似印度烤饼，配埋少少黑醋食，酸酸地都几开胃，店员仲介绍话用嚟点意粉酱汁仲好味！
先黎头盘！巴马火腿配哈蜜瓜 $78摆盘真系好有心思👍🏻将火腿卷成玫瑰花形🌹橙色圆形珠珠原来系分子料理既哈蜜瓜汁！好特别！16个月既巴马火腿咸香同埋油份都好适中，配埋多汁鲜甜嘅哈蜜瓜，真系绝配！
野菌酱蒜香意式烤面包 $48面包烤得非常之香脆好似薯片咁，野菌酱用咗白菌、冬菇同埋蟹味菇加忌廉制成，所以味道非常浓郁，口感幼滑得黎又保留少少粒状菇肉，喜欢食菇嘅朋友必试！
美国黑安格斯护心肉配黑醋酱及巴马臣芝士 $148卖相同摆盘同样非常之精美💕黑醋酱酸酸甜甜好开胃，再加上好似雪粉一样吸引嘅芝士🤤呢个护心肉系店员推荐架！位置系近住牛嘅胸腹，牛肉味浓而且肉质淋滑，比较特别同埋唔系到处有得食！
我哋拣咗五成熟，味道果然牛味浓郁，又滑又多汁！我几乎一个人食咗成碟🤣
不得不提，所有伴碟嘅意大利菠菜同埋碗豆苗都系老板指定，选用由意大利飞机空运到港㗎，完全食得出𠮶份鲜甜同埋对出品嘅要求！👍🏻
经典卡邦尼扁面 $88
用咗正宗卡邦尼面做法，主要有芝士、忌廉、蛋黄、蒜蓉同埋洋葱，猪肉系风干既，咸香极浓口感仲脆卜卜，配埋手工制成嘅意大利扁面，烟韧弹牙而且挂汁一流，我同朋友都赞口不绝👍🏻👍🏻👍🏻
咖啡焦糖炖蛋配云呢拿雪糕 $58
焦糖炖蛋就食得多，呢个系用咖啡做嘅又真系几特别，浓味嘅咖啡配上面层既焦糖薄脆，就好似饮紧焦糖咖啡一样，再配埋云呢拿雪糕🍦就系咁为我哋嘅晚餐画上咗一个完美嘅句号。
张贴
