影片
更多
2024-11-22
539 浏览
📍Dan Ryan's Chicago Grill 🔍太古太古城道18号太古城中心3楼311号舖 -----Lunch time经过成日见到呢间餐厅好多人，奈何Lunch hour唔够长，无得慢慢入黎enjoy。终于揾到一日收工过嚟试一试。餐厅装修好有特色，天花板有小火车🚞玩具行嚟行去，墙壁上有各种仿油画，座位亦非常宽阔，夜晚都好多街坊一家大细嚟帮衬。睇咗一阵餐牌，餐厅就送上面包篮，真心第一次见面包篮咁有诚意，一篮面包里面有一个牛油面包、一个麦包、同埋一个Muffin，仲有自家制士多啤梨酱。面包微热松软，味道还不错，最Surprise系Muffin，朱古力味香浓得黎无过甜，里面核桃粒粒，湿润度、甜度都系恰到好处，出面买都好少地方有咁高水准。🍝Carbonara 卡邦尼意粉 $148材料有烟肉粒、蘑菇、蛋、巴马臣芝士、洋葱、香蒜等等，意粉软硬适中，芝士味浓郁，加上咸咸香香烟肉粒，几惹味。🐥Buffalo Wings 水牛城鸡翼 $108 6只微酸微辣嘅水牛城鸡翼，味道几特别，辣得惹味但系又唔会令人舌头发麻。另外为咗平衡浓味感，加入咗青瓜、西芹、蓝芝士酱作伴碟，整体不错，值得一试。🐷Roa
🔍太古太古城道18号太古城中心3楼311号舖
-----
Lunch time经过成日见到呢间餐厅好多人，奈何Lunch hour唔够长，无得慢慢入黎enjoy。终于揾到一日收工过嚟试一试。
餐厅装修好有特色，天花板有小火车🚞玩具行嚟行去，墙壁上有各种仿油画，座位亦非常宽阔，夜晚都好多街坊一家大细嚟帮衬。
睇咗一阵餐牌，餐厅就送上面包篮，真心第一次见面包篮咁有诚意，一篮面包里面有一个牛油面包、一个麦包、同埋一个Muffin，仲有自家制士多啤梨酱。面包微热松软，味道还不错，最Surprise系Muffin，朱古力味香浓得黎无过甜，里面核桃粒粒，湿润度、甜度都系恰到好处，出面买都好少地方有咁高水准。
🍝Carbonara 卡邦尼意粉 $148
材料有烟肉粒、蘑菇、蛋、巴马臣芝士、洋葱、香蒜等等，意粉软硬适中，芝士味浓郁，加上咸咸香香烟肉粒，几惹味。
🐥Buffalo Wings 水牛城鸡翼 $108 6只
微酸微辣嘅水牛城鸡翼，味道几特别，辣得惹味但系又唔会令人舌头发麻。另外为咗平衡浓味感，加入咗青瓜、西芹、蓝芝士酱作伴碟，整体不错，值得一试。
🐷Roasted U.S. Baby Pork Ribs (Halt Stab)
慢烤美国进口BB猪排骨（半份） $328
呢个价钱包埋前菜同埋甜品，前菜招牌凯撒沙律超大兜，系正价嘅Size，抵食。凯撒沙律清爽开胃，猪肋骨入味且好大件，伴碟可以选择烤粟米，香甜香甜的，而且系新鲜粟米。最后跟餐嘅甜品布朗尼蛋糕朱古力士多啤梨亦不错，Brownie带微微软心，朱古力味同Muffin一样都好浓郁，不过个人嘅飞佛都系佢免费送嘅餐前Muffin😜。
⭐PS：朋友话我知，以前可以任食Muffin，可能太多人食嘅关系，寻日问咗服务员啊姐，宜家追加Muffin要$14一个啦😆（不过要钱都好值得加）面包就可以免费追加。
张贴
