六両三.台灣食堂

营业中

休息中

寻日同朋友喺观塘放工，朋友介绍呢间工厂有嘢食，佢话好似开咗唔系好耐嘅原本系尖沙咀嘅一间台湾野开咗分店，于是我哋就想试吓，一入去就见到呢间嘢好有气氛。有良心。一见到个招牌就令我好想试鲁肉饭，果然好 食，唔系太浓味。半肥瘦啱啱好。配合埋卤水蛋一齐就非常正。嚟到呢度当然唔少得招牌牛肉啦。今日真系非常好运。食到超大旧嘅牛肉。牛肉冧得黎又够弹牙。整得好有心思。我哋仲叫咗地道食品甜不辣，同埋蜂巢豆腐，真系好有台湾风味。佢牛筋丝就最令我惊喜。好弹牙冇胶感。 平时我好少食。都觉得有意外地喜欢上。最特别嘅系香港都入唔到嘅芭乐汁呢度都有卖。同埋原来冬瓜茶加咗柠檬另一种风味，即刻成杯嘢饮多左层次感。讲真可能因为系工厂大厦啦。晚餐佢收紧呢个价钱我真系觉得好合理，观塘食嘢食到呢个价一啲都唔算贵，一碗面$70左右。仲有啊，一间餐厅除咗食饭好食之外，最紧要系有良心。呢点大家都明白。