湖越

营业中

休息中

听朋友讲呢度海鲜新鲜，我哋成家人过嚟试吓，唔使走去西贡。当日去到都几多人，好彩订咗枱入边有冷气，上菜速度都几快。我哋叫咗个春卷食住先，好正，热辣辣，正宗越南春卷，侍应姐姐都系话师傅亲手整，绝非叫现绳货。跟住叫咗只海南鸡，都唔错，鸡好滑。咖喱炒蟹嚟到，当然要叫个薄饼捞咖喱汁啦，只蟹成斤重，咖哩好有椰香味，有啲似泰国𠮶只咖喱。另外仲叫咗只粉丝蟹煲，同样新鲜靓蟹。炭烧大头虾，普普通通嘅一味𩠌都可以整到咁好食，点埋佢哋嘅酸辣汁，爆哂羔，加埋炭烧，一流。辣椒膏炒蛏子，都系新鲜嘢，系唔够辣。越南盐焗花螺：第一次食，都系唔错，点埋个汁味道升华。