金玉滿堂

营业中

休息中

FD哩牌唔舒服，话想饮靓汤，揾到哩间铺头提供好多款靓汤，咁试试。铺头唔大，人气都好旺，睇落都系街坊。先一人来一盅汤，羊肚菌炖响螺汤，配料好丰富，有鸡脚，鸡肉，响螺片同羊肚菌，汤饮落就知煲足火候同埋落足料，好清甜。虫草花炖鸡脚汤，比起羊肚菌炖响螺汤黎讲，饮落会更甜少少，可能落咗唔少虫草花同红枣，好健康。红烧BB鸽，鸽子炸得脆啵啵，皮脆肉厚。鸽子预先腌制过，唔洗点盐已经好够味。豉椒炒花甲，哩份真系不得了，炒得好有镬气。花甲冇沙，酱汁少少辣，食落好惹味。分量都几大下，点食都食唔晒TIM。金玉小炒皇，好特别嘅搭配，有虾干，鱿鱼，腰果，细鱼干同韭菜芯。腰果先炸再炒，食落劲香口，FD食到停唔落口。哩啲铺头一般都系街坊帮衬，所以质素真系好高。