天下無雙

营业中

休息中

同朋友出左黎尖沙咀，顺便食埋野先走，经过一间叫天下无双嘅食店，见个名咁型就埋去睇下，原来系食车仔面的。价钱唔贵就入去试下先，𩠌同小食都好多款式，睇左好多先落单😆⭐牛魔王面餐实在太多野拣，最后决定叫牛魔王面餐，个面有牛腩、牛筋、潮汕牛丸，汤底要左麻辣，面就要左米粉。好快就上枱啦，碗面香喷喷，𩠌望落去都好多㖞。牛腩牛筋炆得软腍入味，牛丸爽口弹牙，个麻辣汤底要咗小辣程度好惹味，辣度啱啱好，米粉吸咗汤汁好好味呀🤤⭐三𩠌面车仔面朋友就拣咗叫三𩠌面，要咗鬼马炸鱼腐、鱼皮饺、陈皮鲮鱼饼，汤底要秘制辣汁小小辣，面就拣咗油面。上枱同样丰富，满满一碗都系𩠌，仔细望下，原来朋友叫呢个全部都系鱼类㖞，哈哈😆个鱼腐开头我仲以为系豆卜，咬落有豆卜又有鱼腐嘅口感，吸咗汤汁几好味，鲮鱼饼好香陈皮味，鱼皮饺就正常嘅冰货货式啦。⭐街头鱼蛋呢个小食就系自己拣嘅，想食下咖哩鱼蛋就叫咗呢个，一杯入面都好多粒鱼蛋㖞，冇仔细数，但好似都有15粒以上，鱼蛋用上陈皮鱼蛋，个人觉得个陈皮味仲重过过咖哩味😆⭐炸韭菜饺炸韭菜饺就系朋友拣嘅，佢话见到墙上张图好吸引所以就叫咗，个皮炸得好香脆，点埋个甜酸辣酱真系几好味嘅，不过可能厨师搞错咗，入面