BBQ 7080 (已結業)

朋友同我庆祝生日, 问我想食咩, 因为之前个餐韩烧实在太难食, 未能解除我对韩餐嘅思念, 所以都系想食韩烧, 今次选择呢间系好多口碑嘅7080, 因为贪佢系旺角好方便, 所以早一日已订位, 去到都要等半个钟先有位. 先讲7080个环境, 一出电梯即时觉得环境好有韩国Feel, 但可惜环境好嘈吵，抽风系统好差, 好大烟，好似火烛咁, 令人呼吸困难, 我朋友更烟到咳嗽.服务 : 已经好多侍应, 但佢地好似好忙碌咁，又错漏百出, 埋单时重要计错数, 计多咗2百几蚊, 佢地咁忙, 唔驶讲服务态度紧系冇乜啦, 但又未去到好差, 只系个个木冇表情, 欠缺礼貌.烧牛肋肉 : 腌得好入味, 好松软, 烧到有小小焦香味就最好食. 海鲜薄饼 : 韩式煎饼饀枓丰富, 但可惜韩式煎饼嘅特色系较为软身, 食落好似D粉浆未熟咁, 唔似台湾或香港人食嘅葱油饼咁, 较为香脆.猪腩肉 : 猪腩肉好厚身, 完全冇腌制, 系全靠烧到D肥油出晒嚟, 够香脆, 再加佢哋D韩式辣酱及其他配料, 就最好味.