相撲手日式放題 (已結業)

之前已经听朋友讲过话相扑手好好食，但系一直都无机会食，今次就同朋友聚会一齐来试一次。入到去个环境都非常之有日式嘅感觉好似去咗日本咁样，环境同埋布置都非常之有心事，而且座位都非常之舒服。呢度嘅刺身真系好好食，仲有我最钟意嘅生蚝添，虽然每一次一张纸咁样落order我同朋友前后应该都食咗十几只生蚝， 生蚝嘅味道都好新鲜，所以食多啲只都唔怕。仲有呢度嘅串烧都非常之出名同埋好食，全部嘅串烧都唔系现成买嘅而系自己自制嘅串烧，鸡肉同埋牛肉串烧我都好钟意食，同埋呢度嘅熟食都好特别，仲有墨鱼汁蛋包饭乌冬炒饭其他特色嘅日本小食系其他放题都食唔到架，加上佢嘅甜品仲要系焦糖炖蛋，味道好好唔会太甜我好钟意食。餐厅仲要好有心思会帮客人庆祝生日嘅，每一个生日嘅客人都会有一个生日嘅甜品可以食架仲会帮埋生日歌比你添，约埋朋友一齐来庆祝生日就更加有意思。性价比非常之高相信下次都会同朋友出嚟食多次