古早牛肉麵 (已結業)

早二日经过深水涉，经过呢间古早牛肉面，见里面坐满人，于是系门外睇下memu，原来系食台式嘢。好挂住去旅行，尤其系台湾小食，呢度款式都几多，价钱都好合理。(大肠面线$30)大肠唔算大肥，脂肪适中，入口有咬劲，面线好爽，十足去左台湾小店一样。(酥炸大猪排$36)超级巨型，足够二人享用。外层炸得十分香脆，热辣辣，食入口猪排肉汁丰富。(话梅猪手 3件 $22)猪手炆得够柔软，入口有些少甜话梅味，猪手好入味，不会太浓，抵食!(百香果雪梨茶$17) 半糖，去冰。好有诚意，跟足我嘅要求，抵赞!茶底够浓味，百香果少少酸味加雪梨，好适合配台式炸物。