永樂園餐廳

营业中

休息中

眼看好普通的地下餐厅仔，menu各样野都好普通，但食落就知道不平凡。罗宋汤系偏甜的，但甜得黎好有自己风格。我一向都系罗宋汤fans，好开心又多一个饮罗宋汤的好地方。足料的汤渣令我好满足！图中大大条的西芹喺被煲汤后依然略带少少菜青味，同汤底的味非常配合。牛肉味不浓，反之其他的蔬菜都保持住自己本身的鲜味，好味到再饮多几碗都得！一碟碟头饭、一个餐汤同一杯野饮，可以有咩惊喜呢？粟米火腿肉粒饭一个听落完冇特别既名居然隐藏唔少心机。一上枱，粒粒肉粒都切得好工整、好靓。而火腿绝对唔系好薄的火腿丝，而系充满质感的火腿扒粒。火腿扒粒同肉粒肉质唔同，前者较为坚实有弹性；后者则更淋滑多汁，两者交叠加上爽口的粟米粒。百感交集，好味！个汁都唔少野，半透明偏白。唔会过份sticky好似落左好多生粉咁，只轻轻的一层sauce 盖喺肉粒、火腿同粟米粒面。师傅劲！个汁打得好！红豆冰又系好正呀，奶同豆都各自好香，红豆粒粒大而且煮得淋。如果可以再甜啲啲就冇得输啦。