影片
更多
2010-03-14
11 浏览
今日一行六人去咗中环嘅 Balalaika 庆祝妈咪生日，之前订枱讲咗系庆祝生日，餐厅亦好识做地安排咗个惊喜！Starter： 我地叫咗五种唔同馅嘅包：猪肉（似肉酱意粉嘅肉酱）、火腿芝士（好味，溶咗嘅芝士质感好似流沙）、磨菇、玉桂苹果同三文鱼（我无试呢三只，不过听讲都几得）。汤：叫咗牛尾罗宋汤、羊肉汤（无酥味！）同南瓜汤，餐厅帮我地一开二之余仲好有心咁用原装碗装，唔系求其俾只碗你，nice touch！Main Course:-Sausage Platter：餐厅是日推介，有起码四款唔同嘅肠、好脆嘅薯仔同菜丝。Portion 几好，每个人每样都试到；-红椒汁牛柳配饭：因为有个小朋友所以拣咗个饭，味道一般；-牛肉串烧：Balalaika 名菜，哥仔特登提我地要唔要影相，好细心；之后系熟练嘅点火，劲！最好嘅系：我地叫七成熟，烧完之后完全唔韧，啱啱好！-羊肉粒饭配羊肉同羊肋骨（正名唔记得...）：极力推介，饭入面 D 肉同个饭好夹，D 羊肋骨唔韧，好好味，下次去绝对会再叫！环境：好好，因为系星期日所以成间餐厅得我地一枱，唔嘈，音乐亦唔大声服务：招呼我地个哥仔同姐仔都好好礼貌，亦都好帮忙，当大
Starter： 我地叫咗五种唔同馅嘅包：猪肉（似肉酱意粉嘅肉酱）、火腿芝士（好味，溶咗嘅芝士质感好似流沙）、磨菇、玉桂苹果同三文鱼（我无试呢三只，不过听讲都几得）。
汤：叫咗牛尾罗宋汤、羊肉汤（无酥味！）同南瓜汤，餐厅帮我地一开二之余仲好有心咁用原装碗装，唔系求其俾只碗你，nice touch！
Main Course:
-Sausage Platter：餐厅是日推介，有起码四款唔同嘅肠、好脆嘅薯仔同菜丝。Portion 几好，每个人每样都试到；
-红椒汁牛柳配饭：因为有个小朋友所以拣咗个饭，味道一般；
-牛肉串烧：Balalaika 名菜，哥仔特登提我地要唔要影相，好细心；之后系熟练嘅点火，劲！最好嘅系：我地叫七成熟，烧完之后完全唔韧，啱啱好！
-羊肉粒饭配羊肉同羊肋骨（正名唔记得...）：极力推介，饭入面 D 肉同个饭好夹，D 羊肋骨唔韧，好好味，下次去绝对会再叫！
环境：好好，因为系星期日所以成间餐厅得我地一枱，唔嘈，音乐亦唔大声
服务：招呼我地个哥仔同姐仔都好好礼貌，亦都好帮忙，当大家好雀跃要去冰房嘅时候哥仔逐件褛递俾我地；屋企人唔行得楼梯，佢提议兜路去搭货梯，最难得嘅系，走嘅时候佢竟然记得，仲主动问驶唔驶搭返𠮶部货梯走添！！值得一赞，希望平日同多人嘅时间都会 keep 到啦。
惊喜：食完主菜后有问阿哥仔系咪送 baked Alaska，人地一早准备晒啦。之后佢地播生日歌同推个甜品出嚟，成个气氛都好好。最估唔到嘅系：佢送咗个俄罗斯公仔俾妈咪，仲好有礼貌咁讲生日快乐添！连我同我个妹都估唔到，妈咪就梗系好开心啦！
总结：整个 dining experience 都好好，好有惊喜，希望今次唔系一个独立事件，而系间餐厅真系好有心去做啦...
特别加许：今日 serve 我地张枱兼教我地点读个餐厅名嘅哥仔！！
张贴