影片
更多
2021-07-06
43 浏览
今日返工又系忙到抽筋忙到lunch 10分钟食咗个杯面就继续做😵💫不过辛苦系有回报嘅，俾我早个半钟收工😛放工一刻肚饿到怀疑人生，即刻去揾嘢食～于是决定行过黎北角汇地下嘅呢间台式餐厅试下佢～餐厅其实就系正正喺北角汇商场正门入口前嘅左手边姐，好容易揾到！可能因为呢个钟数（17:00）冇咩人啦，我一入到去第一个感觉系舒适嘅，有远离繁嚣嘅宁静😂 另外餐厅枱櫈地板亦都干净整洁，坐得都几舒服，抵赞！另外一如以往，我对于有纸巾供应嘅餐厅系特别有好感👍🏻坐低咗之后嘅第二个感觉就系好L肚饿🤣呢个钟数仲有下午茶嘅，但我睇过可能唔系好够我食，所以我转左去睇佢哋嘅全日供应餐牌！大部份都系$50-70，价钱合理！至于啲台式饮品就$2-30杯到啦，跟餐可以减$8 Anyway，最后我叫咗其中一款招牌：小巷弄半筋半肉牛骨汤面 $70，另外加多杯轻芝士岩盐奶盖乌龙茶（+$19）由于太肚饿，我叫多左个小食 香辣盐酥大鸡扒（$38）大约等咗15分钟左右啲嘢食都已经黎晒喇！半斤半肉嘅牛肉汤面🍜 肉嘅部份系厚切牛𦟌，非常淋，一咬就开，又唔黐牙，好正！边个牛筋相反唔会卤到好淋好烂，食落系有咬口个只，又好有胶质㖞😋 至于𠮶个牛
忙到lunch 10分钟食咗个杯面就继续做😵💫
不过辛苦系有回报嘅，俾我早个半钟收工😛
放工一刻肚饿到怀疑人生，即刻去揾嘢食～
于是决定行过黎北角汇地下嘅呢间台式餐厅试下佢～餐厅其实就系正正喺北角汇商场正门入口前嘅左手边姐，好容易揾到！
可能因为呢个钟数（17:00）冇咩人啦，我一入到去第一个感觉系舒适嘅，有远离繁嚣嘅宁静😂 另外餐厅枱櫈地板亦都干净整洁，坐得都几舒服，抵赞！另外一如以往，我对于有纸巾供应嘅餐厅系特别有好感👍🏻
坐低咗之后嘅第二个感觉就系好L肚饿🤣呢个钟数仲有下午茶嘅，但我睇过可能唔系好够我食，所以我转左去睇佢哋嘅全日供应餐牌！大部份都系$50-70，价钱合理！至于啲台式饮品就$2-30杯到啦，跟餐可以减$8
Anyway，最后我叫咗其中一款招牌：小巷弄半筋半肉牛骨汤面 $70，另外加多杯轻芝士岩盐奶盖乌龙茶（+$19）由于太肚饿，我叫多左个小食 香辣盐酥大鸡扒（$38）
大约等咗15分钟左右啲嘢食都已经黎晒喇！
半斤半肉嘅牛肉汤面🍜 肉嘅部份系厚切牛𦟌，非常淋，一咬就开，又唔黐牙，好正！边个牛筋相反唔会卤到好淋好烂，食落系有咬口个只，又好有胶质㖞😋 至于𠮶个牛肉汤底就正正常常啦，饮落去唔系死咸，唔会口渴！另外真系要赞一赞个条大大嚿嘅萝卜！一嚟够大件唔孤寒，二嚟系煮得够淋食落完全无渣仲食到萝卜本身嘅甜味！
至于个盐酥鸡扒炸得香脆，上面落咗少少辣椒粉（不过唔够多，食唔到辣味）个鸡扒都炸得几好，都仲Juicy嘅！
最后呢就系杯芝士奶盖茶！我见到系即刻叫即刻喺个水吧到整，好好饮啊！岩盐芝士奶盖好滑好厚实，饮到最尾都仲见到成层芝士奶盖，唔会溶晒喺杯茶度！而个乌龙茶底甜到亦都岩岩好！
食到最尾先见到有一樽辣菜泡任加🤦🏻♂️迟咗少少都几好！唯有下次再试啦！
整体来讲呢间台式餐厅真系几高质！
张贴
