漁師兄

营业中

休息中

今日约咗朋友去元朗食饭。入元朗的确好似系有啲远，不过有地铁原来都好快到。今日食呢间烤鱼我真系谂唔到有乜负评。由服务到食物质素我都要俾个Like。马拉亚参咖喱烤鱼有4种鱼拣，就拣咗一个平时小食嘟江团鱼。肉质鲜嫩滑溜又啖啖肉。而汤底就试咗个招牌嘅马拉亚参咖喱味真系有惊喜。酸、甜、香嘅味道有啲似唔辣嘅冬阴功不过又有分别。几肥都要将啲汁当汤饮左几啖。串烧除咗个鱼之外叫咗啲串烧同饮品。串烧鸡翼、五花腩、鸡肾都唔错。火喉刚好，味道正宗。饮品饮品方面我地叫左红西柚绿茶🍵及荔枝红茶，味道唔会太甜啱啱好，加上劲大杯都好抵饮。