餃子縣餃子專門店 (已結業)

下午去开旺角行街 突然想食肥姐就行咗过嚟 不过超级无敌多人排队 都系放弃 隔离呢间饺子県系新开 咁就食下佢啦 饺子其实我都好钟意食 不过传统口味就食到厌啦 好在呢间饺子県多咗好多唔同嘅新口味 仲有最近好hit嘅冰花煎饺添芝味乐园 听个名就知系以芝士主打嘅饺子 里面有四款唔同嘅芝士口味饺子 每款两只包括 三重芝士，黑松露芝士，蕃茄芝士同埋麻辣芝士 再加多四蚊可以转做冰花煎饺 冰花煎饺上枱好靓仔 上面有一块完整而且好巨型嘅薄脆 系用粉浆整成嘅 口感脆卜卜 饺子皮整得好薄 而且入面多汁 三重芝士芝士味超浓 而且啲汤汁爆出嚟 黑松露芝士既黑松味黑松露味亦都超浓 同肉味好夹 蕃茄芝士就好似pizza味咁 又有啲似卡乐b嘅薯片味 哈哈 麻辣芝士辣味唔太辣 但系好惹味 个人认为黑松露芝士同三重芝士都超好食 最后两样都再encore左 佢哋同冰花煎饺真系超级夹 仲叫左羊肉汤饺 黎到饺子店梗系试下传统嘅口味饺子 羊肉微微嘅骚味 加上饺子入面超多汤汁正 醉鸡翼 醉鸡翼大大只好巨型 而且鸡皮好爽脆 肉汁多 又有杞子等嘅药材 睇落好足料 五香牛展面 成碗大大兜 上面嘅牛展有成六七块 大大块完全遮住下面嘅面