宮保 (已結業)

.其实我未去过新加坡唔知正宗的新加坡菜应该系点不过呢间我真系highly recommended👍🏻👍🏻因为真系好好食！！打卡必选一定系每日限量10碗的活龙虾超巨大叻沙，话是二人份量但其实四个人食都好够饱，包括原只开边波士顿龙虾，两旁还有青口、烚蛋、虾、肉碎、豆卜、鱼柳、鱿鱼、鱼片、生菜、同叻沙粉，非常足料！而且吸满晒叻沙汤底的味道，真心正！橙黄色的叻沙味汤底好浓郁，充满椰香而且带点微辣，叻沙粉吸汤力强又放得耐都唔会糊掉，记得沾上餐厅附赠的参巴酱，会令汤底更加升华。另一款必食的系招牌 #砂煲粥！老板专程系新加坡请师傅炮制，我钟意食软绵的粥，唔系讲笑呢个粥底的软绵程度真系我人生食过最软绵的一次，非常非常高质！配上肉质嫩滑的砂煲宫保田鸡，辣辣地的田鸡放到粥里面好惹味，整个组合好搭！ #虾米肉碎自家制豆腐 都好好食，老实讲卖相毫不起眼正常真系唔会order，但真心呢个好值得食。自家制豆腐外脆内软，真系会入口即溶好有惊喜！配埋虾米肉碎酱汁又更加分。 #麦片虾 都系食唔停，虾肉弹牙爽口，外层既麦片甜甜地同个虾好夹！最后食埋个椰香清甜又松软的 #班兰雪芳蛋糕 就够晒满足！