影片
更多
2017-07-09
243 浏览
乜都未讲之前，先想介绍呢个咸蛋苦瓜！呢篇食评完全系为食咗呢个咸蛋苦瓜之后嘅激动而打嘅！真系超好食咪睇佢好似平平无奇。 其实佢就有啲似系用咗黄金虾嘅整法去整个苦瓜咁，但出面𠮶层系咸蛋酱真系超级香脆。 重点系！系出面个层做到好脆之余佢仲可以保持到入面个苦瓜好多汁好鲜嫩。 我认我本身就系一个钟意食苦瓜嘅人！但系就算我朋友本身唔钟意食苦瓜，佢都觉得好正。 咁样做完之后唔会觉得好苦，d咸味同埋苦味两者互相有啲中和作用，只系觉得好香好香。真心推介！$82真系好物有所值！中环食嘢不嬲除咗食味道仲要食环境。 呢度环境都几舒服，碗碗碟碟亦都好靓。 连本menu都靓过人今日我哋呢系食下午茶。 有三样嘢拣，每样可以浅尝少少，真系好我叫咗个酸辣海鲜面拼豆腐皮蛋。一个热一个冻，两者互相中和啱啱好。 海鲜面嘅面条有啲厚。有啲似刀削面𠮶啲friend。系台湾食𠮶啲面多数都系类似咁样嘅。 面质好烟靭 酸辣嘅味道做得啱啱好。辣味唔会过份哗众取宠！有几粒小蚝&虾仔吊下鲜味。 豆腐皮蛋加左菜脯同埋木鱼丝， 增添咗𠮶份甜味同口感！朋友叫咗个卤肉饭拼牛肋条拼红油抄手。 佢话呢个唔系下午茶嘅份量，系午餐嘅份量 鲁肉饭嘅卤汁好香
咸蛋苦瓜
$82
12 浏览
0 赞好
0 留言
咪睇佢好似平平无奇。 其实佢就有啲似系用咗黄金虾嘅整法去整个苦瓜咁，但出面𠮶层系咸蛋酱真系超级香脆。 重点系！系出面个层做到好脆之余佢仲可以保持到入面个苦瓜好多汁好鲜嫩。 我认我本身就系一个钟意食苦瓜嘅人！但系就算我朋友本身唔钟意食苦瓜，佢都觉得好正。 咁样做完之后唔会觉得好苦，d咸味同埋苦味两者互相有啲中和作用，只系觉得好香好香。真心推介！$82真系好物有所值！
中环食嘢不嬲除咗食味道仲要食环境。 呢度环境都几舒服，碗碗碟碟亦都好靓。 连本menu都靓过人今日我哋呢系食下午茶。 有三样嘢拣，每样可以浅尝少少，真系好
我叫咗个酸辣海鲜面拼豆腐皮蛋。一个热一个冻，两者互相中和啱啱好。 海鲜面嘅面条有啲厚。有啲似刀削面𠮶啲friend。系台湾食𠮶啲面多数都系类似咁样嘅。 面质好烟靭 酸辣嘅味道做得啱啱好。辣味唔会过份哗众取宠！有几粒小蚝&虾仔吊下鲜味。 豆腐皮蛋加左菜脯同埋木鱼丝， 增添咗𠮶份甜味同口感！
朋友叫咗个卤肉饭拼牛肋条拼红油抄手。 佢话呢个唔系下午茶嘅份量，系午餐嘅份量 鲁肉饭嘅卤汁好香，而且好“杰”，配饭真系好正！ 红烧牛肋条既牛肋条炆得好林，好容易食！ 而且味道好香甜 红油抄手有三粒，唔算好辣，油味充足。
黎得食台湾野点可以唔叫蚵仔煎？我哋另外叫咗觉蚵仔煎， 以前成日都觉得蚵仔煎系用薯粉煎嘅，今次食觉得有啲唔同咗，好似冇薯粉咁“杰” 。蛋好香，啲蚝亦都好鲜冇沙。佢仲用咗一只菜，虽然我唔知系咩菜，但系配搭都几特别新鲜。 红色呢碟好似Tabasco嘅酱应该系开稀咗嘅茄酱。 加埋一齐食酸酸甜甜几得意。
讲完食物不得不提系佢嘅饮品，全部都感受到个种用心制作。 冬瓜茶有的拣热或者冻，我拣左热。 底𠮶度有少少芋圆，同埋地瓜圆。 可以用饮管吸上黎连埋冬瓜茶一齐饮， 烟烟靭靭好正呀
呢杯野个名劲长，叫芒果q果水蜜桃凤梨红茶。 有啲似水果茶，水蜜桃味好浓。 底层有一d似椰果既芒果q果。 重点系啲q果系星星形㗎！好可爱 好适合口痕既你咬咬下咁。
张贴
