影片
更多
2019-12-01
4255 浏览
朋友拣咗呢间餐厅庆生，话够冷门㖞 🤭订咗位 7 点，餐厅无打过嚟覆台，上到去唔算多人谂住拣梳化位，点知接待我那侍应话梳化位留返比啲 2 人 座，我哋 3 人座啲四人台啦。 。 。咁我就拣咗窗口位。 。 。𠮶时心谂系咪中咗伏呢。 。 。到我坐定定四围望，先发觉餐厅布置其实好靓，坚有东欧风味，咁我影吓相啦，点知刚才那侍应话不如帮我影张相，我话唔驶，点知佢话影出嚟好靓架，我唔好意思再推就影咗啦，又真系好靓嘅 😅😅朋友嚟齐，主角见罗宋汤唔系用牛肉就话想试吓，另外个朋友话想试牛肉汤，咁我就叫个南瓜忌廉汤啦，乌黑兰罗宋汤原来主角系红菜头唔系蕃茄，主角好喜欢，个牛肉汤就好清甜，牛腩够晒淋，而我个南瓜忌廉汤好稠，好滑。磨菇薯仔饺子有啲特别，但食唔到磨菇味，饺子皮有点厚。最有惊喜嘅系香烧猪肋骨，上台时加啲著咗火嘅酒淋上面，令猪肋骨更香口，本身猪肋骨已经够味，食落仲好淋身，朋友都大赞 👍👍👍烧春鸡送上嚟时系原只，跟住喺我哋面前剪细件，食落好够味，跟碟附上啲酱汁都可以唔点。朋友已经谂下次再同其他朋友啲试其他菜。另外一题，餐厅喺我哋享用紧美味食物时不知不觉坐满晒，仲睇得出好多系熟客。餐厅有个外国人样靓仔侍应识
订咗位 7 点，餐厅无打过嚟覆台，上到去唔算多人谂住拣梳化位，点知接待我那侍应话梳化位留返比啲 2 人 座，我哋 3 人座啲四人台啦。 。 。咁我就拣咗窗口位。 。 。𠮶时心谂系咪中咗伏呢。 。 。
到我坐定定四围望，先发觉餐厅布置其实好靓，坚有东欧风味，咁我影吓相啦，点知刚才那侍应话不如帮我影张相，我话唔驶，点知佢话影出嚟好靓架，我唔好意思再推就影咗啦，又真系好靓嘅 😅😅
朋友嚟齐，主角见罗宋汤唔系用牛肉就话想试吓，另外个朋友话想试牛肉汤，咁我就叫个南瓜忌廉汤啦，乌黑兰罗宋汤原来主角系红菜头唔系蕃茄，主角好喜欢，个牛肉汤就好清甜，牛腩够晒淋，而我个南瓜忌廉汤好稠，好滑。
磨菇薯仔饺子有啲特别，但食唔到磨菇味，饺子皮有点厚。
最有惊喜嘅系香烧猪肋骨，上台时加啲著咗火嘅酒淋上面，令猪肋骨更香口，本身猪肋骨已经够味，食落仲好淋身，朋友都大赞 👍👍👍
烧春鸡送上嚟时系原只，跟住喺我哋面前剪细件，食落好够味，跟碟附上啲酱汁都可以唔点。
朋友已经谂下次再同其他朋友啲试其他菜。
另外一题，餐厅喺我哋享用紧美味食物时不知不觉坐满晒，仲睇得出好多系熟客。
餐厅有个外国人样靓仔侍应识得讲广东话，肤浅的我以为个靓仔只系打工仔，另有位乌黑兰女士，我哋见个靓仔同𠮶位女士倾谈用外国语言，朋友好奇就问个靓仔系咪用俄语同女士倾计，靓仔话系乌黑兰语，我哋好奇佢识讲，点知靓仔话个位女士系佢妈妈嚟。 。 。我哋即时唔好意思咗。 。 。
我哋边走边讲笑，话好彩无问埋点解佢识讲广东话，一阵佢话帮我影相个侍应系佢亚爸就尴尬死。 。 。 点知朋友上网真系揾到𠮶个系佢亚爸 🤭🤭🤭
Anyway, 呢间餐厅的确值得推介，装潢美观，食物美味 👍👍👍
牛肉汤，罗宋汤，南瓜忌廉汤
104 浏览
0 赞好
0 留言
磨菇薯仔饺子
126 浏览
0 赞好
0 留言
烧春鸡
133 浏览
0 赞好
0 留言
张贴
