八木橋日式燒肉

营业中

休息中

知道呢度烧肉做梗promo，叫雨餐做梗半价推广，就订左今晚就黎到食烧肉，餐厅位于T.O.P的四楼，地理位置好方便。先上左A5 和牛西冷，一上枱就心心眼，好靓的油脂油花分布，轻轻烧完，一摆入口即溶😍😍四品和牛烧肉盛四种都系A4黑毛和牛，分别有后腰肉、牛肩、和尚头、三角腩，我个人最喜爱牛肩，好重牛肉味同个油脂入口系爆开。酱油牛肋肉一整条，用上甜甜的酱油就腌得好入味，令人好开胃，呢个又系好Juicy。味淋鱼干平时去日式居酒屋都会叫呢个食，今次系第一次自己烧，自己烧觉得仲好食🤣🤣比目鱼西京烧烧到外脆，但入面啲鱼肉仲保持到嫩滑👍👍呢度烧肉好多款唔同肉类，除咗牛，仲有豚肉，鸡，海鲜都好多款，竟然有清酒煮蚬，个蚬好饱满，有淡淡的清酒味，最重要冇沙；仲有虎虾，青口，鲭鱼，炸物天妇罗，沙律，面食，野菜等等，真系好多选择。甜品方面，估唔到都有好几款同雪条，个人最喜爱红豆大福，烟烟韧韧得黎最重要唔系太甜。雪条有我最爱的蜜瓜雪条。饮品方面除咗酒类，基本上的都有。