角川

营业中

休息中

今晚同三个老友叙旧，嚟到大坑呢间小店，十分有日本feel嘅串烧店，提醒咗我，唔知几时先可以再去日本旅行😭。店内虽然座位有D迫，不过其实日本啲小店咪一样咁迫，反而比我更多喺日本嘅感觉。经理同我同名，所以份外亲切，好快同劲Pro咁介绍咗几个招牌菜式同Sake，都非常唔错，食得出师傅们好用心制作。饮到第二支Sake，经理介绍咗支「JOKER」, 非常好饮，价钱亦非常合理，所以之后再Echo多一支。但最有惊喜，其实系佢哋嘅一碟自家秘制螺（已经醉醉地唔记得咗个名😅），煮到超腍超入味超好食！下次再嚟一定会再叫，不过经理话，只系期间限定，就要睇吓下次去到好唔好彩啦😎⋯⋯不过听闻话Booking都非常full，下次再去都一定要早啲订位！