無麵不歡 - 中華私房粉麵 (已結業)

宜家周街都系米线，开到成行成市，不过见到佢有好多朋友都系佢到打卡，地点又喺旺角，非常就脚，都系带住求其食餐饭既心态，胆粗粗试一试，反正家下啲米线衰极有个谱。2个人食，叫左2碗面，2个小食、分别系湖南招牌螺师粉，胡椒鸡汤面，蛋饺，麻辣手撕鸡个胡椒鸡汤面 非常有惊喜，上枱时有个小火加热住食，汤系稠身，好滑溜，好浓，鸡好滑又入味，虽然有鸡连皮但系汤底一啲都唔油，绝对好似佢menu 所讲，连埋汤饮是常识吧招牌螺师粉有好大阵笋味，如果唔喜欢，真系不能放入口，不过酸辣度好适中，反而识欣赏觉得好有风味，而且米线质地好滑，弹牙唔会淋到冇咬口。蛋饺好开胃，细细只，一口就食到，点下酱食好惹味手撕鸡味道也中规中矩，当开胃菜咁食，唔错。不过不得不提佢个秘制辣椒油，因为真系辣到飞起，如果食得辣一定要试。但唔得就掂都唔好掂。真系点好少都会令你冇左味觉，只有辣味。佢辣籽唔多，颜色好似老干妈咁，千祈唔好睇少佢。