90s Lazy (先施大廈) (已結業)

一入到去就见到啲员工围威喂，坐埋一枱㩒手机，已经觉得唔系好得。之后落嘢食，服务态度都好差，一个人做楼面，根本就唔够，揾佢就黑面，冇嘢做就㩒电话。至于嘢食方面真系好一般，叫左个烟肉薯条，同埋五个主菜，薯条差唔多成最后先到，仲要系暖嘅，唔系热嘅，不过好彩系脆嘅。朋友叫嘅黑松露烩饭，好淡味，啲饭又好冧，好似食紧粥。我𠮶个就好一般。最重点嘅系，跟餐叫左杯30蚊嘅朱古力奶昔，佢一放低我已经即刻饮，完全冇朱古力味之余，我觉得自己饮紧奶水，好稀嘅奶昔，冇食到有雪糕or任何cream状物体，总之系一杯冇装饰、好淡味嘅奶水，佢真系对唔住个价钱。如果佢唔系黄店，我会宁愿饮麦当劳嘅奶昔。老板应该系好悭家嘅人，亦有黄店应有嘅水准，完。