影片
更多
2017-09-22
1609 浏览
今日突然想食生蚝，大埔其实无选择，上网睇过呢间蚝王新开，所以即管嚟试吓，坐低同老板倾吓发现原来系前身Jingle’s蚝吧嘅老板再开返，唔怪得啲装修似曾相识啦！因为太想食蚝，所以一坐低就order咗个生蚝拼盘，$398有5款唔同嘅生蚝共10只，仲要系够哂新鲜甜美，绝对超值！食完生蚝，我地叫咗老板推介嘅蒜蓉包同鹅肝，蒜蓉包特别之处系真系有个焗蒜头比你食，焗完后嘅蒜头好香好好食，蒜蓉包香脆但唔会油腻，加埋粒蒜头喺面一齐食，真系别有一番风味！连我平时唔系好食蒜蓉包嘅都同老公平分咗成碟！(咁啱今日又好肚饿)之后系我至爱之一香煎鹅肝，佰几蚊有两片真系唔贵，煎得外脆内软，油份够、香而不腻，如果个肚摆得落，真系好想食多碟今日食量惊人，可能样样嘢都好食所以唔知饱我地仲叫咗个Set dinner，二佰几蚊有两只生蚝、蟹肉龙虾汤、10oz肉眼扒、餐饮，真系抵到晕！最重要系，质素一流！尤其个龙虾汤，老板仲好细心咁帮我地一分为二，分两碗上，等我地两个都可以试到！果然系店主推介，Yum Yum！最后，老板再推介我地试餐厅嘅镇店甜品～姜味雪糕！其实本来已经好饱，不过老板诚意推介，个名听落又几得意，一于又试一份！老板
因为太想食蚝，所以一坐低就order咗个生蚝拼盘，$398有5款唔同嘅生蚝共10只，仲要系够哂新鲜甜美，绝对超值！
食完生蚝，我地叫咗老板推介嘅蒜蓉包同鹅肝，蒜蓉包特别之处系真系有个焗蒜头比你食，焗完后嘅蒜头好香好好食，蒜蓉包香脆但唔会油腻，加埋粒蒜头喺面一齐食，真系别有一番风味！连我平时唔系好食蒜蓉包嘅都同老公平分咗成碟！(咁啱今日又好肚饿)
之后系我至爱之一香煎鹅肝，佰几蚊有两片真系唔贵，煎得外脆内软，油份够、香而不腻，如果个肚摆得落，真系好想食多碟
今日食量惊人，可能样样嘢都好食所以唔知饱我地仲叫咗个Set dinner，二佰几蚊有两只生蚝、蟹肉龙虾汤、10oz肉眼扒、餐饮，真系抵到晕！最重要系，质素一流！
尤其个龙虾汤，老板仲好细心咁帮我地一分为二，分两碗上，等我地两个都可以试到！果然系店主推介，Yum Yum！
最后，老板再推介我地试餐厅嘅镇店甜品～姜味雪糕！其实本来已经好饱，不过老板诚意推介，个名听落又几得意，一于又试一份！老板又细心地帮我地分开两份！一食落口，果然有惊喜，真系好够姜 好似食梗姜糖咁，食落口冻冰冰但去到喉咙时就开始有啲辣味，感觉好得意，好好味！
本来谂住普通食个晚饭，却意想不到食到一餐咁丰富咁好食嘅晚餐！最重要系，老板全程好有heart嘅体贴招待！。。。老板话新开无乜人知，叫食客帮手宣传吓。。。食完后真心觉得值得推介！所以决定将本人嘅第一次食评送比Oyster King！
生蚝拼盘
$398
55 浏览
1 赞好
0 留言
蒜蓉包
72 浏览
1 赞好
0 留言
煎鹅肝
68 浏览
1 赞好
0 留言
张贴
