番茄18

营业中

休息中

难得放假，可以做完运动食个下午茶，今次拣咗将军澳海旁嘅蕃茄18，唔入去都唔知原来入面装修咁有香港情怀。🍍🍍菠萝冰配菠萝油（套餐特饮加$10，菠萝油$13），真系一绝。菠萝包上餐时都微热，加埋块鲜牛油，邪恶得来真系好正。菠萝冰好多菠萝，份量十足，咁热天气饮啱晒呀。🐔🐔瑞士鸡髀下午茶餐（$42）- 瑞士汁整得好入味，鸡肉肉质好嫩滑。配埋丹麦多士，好松脆香口，唔会太漏。🐷🐷招牌厚切猪扒煎双蛋饭午餐（$50）- 由于另一半太过肚饿嘅关系，下午茶时间都叫咗个午餐。佢大赞个秘制香葱豉油汁好出色，葱油好香，豉油汁甜甜地，捞饭一流。🧋🧋红豆冰（套餐特饮加$10）- 既然叫咗菠萝冰，又点可以唔叫埋好怀旧feel嘅红豆冰，味道同细个饮嘅一样，好正。 📸📸餐厅食物选择多元化，店员亲切有礼，环境都坐得舒服，仲有好多富有港式情怀嘅装饰，打卡一流。