Pillowtalk Restaurant & Bar

营业中

休息中

今日入屯门揾朋友，发现一间好chill，布置有点像Soho区既酒吧餐厅。可以选择坐高枱座椅或普通座椅，每张枱都有烛光，份外有格调！ 主菜可以加钱转餐汤及饮品，我同朋友点了个避风塘软壳蟹意粉和顶级安格斯肉眼扒配薯角，配了餐汤饮品。 餐汤先上配蒜蓉包，磨菇汤有细蓉，足料，有口感！ 饮完汤后，好快就上避风塘软壳蟹意粉，软壳蟹可口美味, 脆得来不会油，香口而不辣，意粉垫着，满有避风塘风味，我食完一啖又一啖！ 顶级安格斯肉眼扒配薯角份点了medium well，份量也挺大，牛扒质素坚系高，虽然厚身，但非常软淋，肉味香浓。切开后可以看到外烤熟内里小红，好juicy。感到意外嘅系呢块厚扒熟度平均，唔会有啲生啲，有啲熟啲，我同朋友都好满意，值得推荐比大家。 最后饮返杯冰冻嘅柠茶作结，真系大满足！ P.S. 虽然呢间小店自成一阁，但六点几已陆续有预约左的客人入黎，连外国人都识得黎光顾！如果喜欢饮酒倾计，约埋三五知已，是不错的选择。