hoo韓國包車

营业中

休息中

男友今朝踢完波我就搵佢一齊食個lunch，呢度既裝修同擺設都好有氣氛，令我地有好似真係去左韓國既感覺😍我地叫左上次去韓國旅行瘋狂食既魚糕串串鍋懷緬下🙈另外仲叫左個招牌炒章魚同埋一個白飯～個鍋除左有五串魚糕之外，仲有另外兩款類似魚片同春卷既魚肉，煙韌得黎帶啲彈牙，口感非常唔錯😋 呢個鍋跟左一個香蒜味，少少辣兼好輕微酸味既醬汁，都幾夾👍白蘿蔔夠晒淋，浸左落呢個湯好清甜😊炒章魚既味道同感覺都幾似我地中式既回鍋肉，而且配菜一樣都係椰菜😂章魚好粗身彈牙，勁惹味超好送飯！🤤🤤雖然呢度既野食同環境都令我有去咗旅行嘅錯覺，不過一落到樓下就返回現實，好期待真正可以搭✈️去旅行既一日😪😫😭