影片
更多
2007-05-05
29 浏览
2.5.2007 (Wed)讲真，我申请King Parrot Group张member card成3年，都未食过喱间餐厅，因为间餐厅主打食生蚝，而我唔食。下年我应该唔会再续会架喇，见仲有张会员红酒coupon、3只生蚝free coupon & free dessert coupon，所以试！间餐厅环境真系唔错，虽然系闲日，都有7成满。我拣楼上雅座，蓝色灯光照射下，感觉几舒服，好有feel！我谂著叫杯水饮，侍应即刻问我要有气定冇气，我都意识到叫水系要钱。算啦，外国餐厅都系咁啦！最后，佢俾支Acqua Panna我，$38，O.K.啦！1) 面包面包好好味，有燕麦包、小法包& pizza包，包好脆，又热辣辣，加黑醋& olive oil ，超正！真系估唔到，通常外国餐厅面包都要俾钱，喱度又唔驶㖞！2) 3只生蚝(free coupon)侍应话系美国生蚝，但唔记得个名，size会细只，但好甜同肥美。Ka Ho话好新鲜，几好味，但我对生蚝冇咩研究，唔知系咪真系咁好味。但真系好多客都出去oyster bar度拣蚝，起码叫一打，所以oyster bar师传都好鬼忙！3) 意式龙虾云吞($110
讲真，我申请King Parrot Group张member card成3年，都未食过喱间餐厅，因为间餐厅主打食生蚝，而我唔食。下年我应该唔会再续会架喇，见仲有张会员红酒coupon、3只生蚝free coupon & free dessert coupon，所以试！
间餐厅环境真系唔错，虽然系闲日，都有7成满。我拣楼上雅座，蓝色灯光照射下，感觉几舒服，好有feel！
我谂著叫杯水饮，侍应即刻问我要有气定冇气，我都意识到叫水系要钱。算啦，外国餐厅都系咁啦！最后，佢俾支Acqua Panna我，$38，O.K.啦！
1) 面包
面包好好味，有燕麦包、小法包& pizza包，包好脆，又热辣辣，加黑醋& olive oil ，超正！
真系估唔到，通常外国餐厅面包都要俾钱，喱度又唔驶㖞！
2) 3只生蚝(free coupon)
侍应话系美国生蚝，但唔记得个名，size会细只，但好甜同肥美。Ka Ho话好新鲜，几好味，但我对生蚝冇咩研究，唔知系咪真系咁好味。
但真系好多客都出去oyster bar度拣蚝，起码叫一打，所以oyster bar师传都好鬼忙！
3) 意式龙虾云吞($110)
一碟有4件，里面龙虾肉真系好爽口，加埋汁(有似千岛汁)，一流！得4件少，6件就perfect！
4)墨汁意大利饭配炸虾($130)
好多人都会觉得墨汁意大利饭好漏，但我都几钟意食。喱个饭唔错，有少少牛油香味，几好！
5) 什锦海鲜串配著仔杂菜(165)
*可任选饭、意粉或著仔杂菜*
酱汁：有7款可供选择，我拣意大利黑醋红菜头汁
其余有：
*香草蒜茸牛油汁、青柠牛油汁、红花汁、甜椒汁、蕃茄青瓜蓉榄油、忌廉汁*
份量都好够，有三文鱼、银雪鱼、鱿鱼、带子、大虾，正！样样都好食，加埋著菜，$165唔算贵。不过，个意大利黑醋红菜头汁就冇咩特别，我都唔咁多，因为酸得际，搞到食唔到海鲜味道。
6) 意大利咖啡杏仁雪糕批(Free Dessert Coupon)
雪糕唔系太甜，好香，卖相好靓！
今餐真系好抵！用3张free coupon，会员埋单有85折，今餐用$420.9，就有1个头盘、3只生蚝、2个main course、1支红酒、1支水& 1客甜品，正！
而且，喱度环境咁靓，又有气氛！侍应服务又好，又有礼貌，唔错！
如果喱餐冇coupon，我谂埋单起码要$800。
张贴
