深燒酒 (已結業)

按摩完，就近想揾d嘢食完先返屋企，打开地图依着良心揾，𠮶时大约8点，见呢度虽然好似满，但冇人喺门口等，就问吓，居然有位，因刚有人走，lucky day for us!店虽小，但佢地唔太aggressive ，所以都坐得ok舒服嘅。朋友嚟过，食物就由佢发办。见到佢哋有支一期一会，就叫左之细嘅，点知唔够喉，后来要再叫多支。早知一嚟就叫支大啦。我哋细食，所以唔嗌牛拼盘（佢哋嘅名菜之一）。但烧到脆卜卜嘅牛肠，甘香野味又有咬口、多肥少肉嘅五花腩，用嚟烧真系冇得输、烧粟米连劲generous 嘅牛油上、烧菠萝甜到漏、当然有唔少得嘅牛啦，我地拣咗牛胫脊，贪佢牛味浓、又嗌埋大家劲推介嘅辣螺配公仔面（唔好问我个正式嘅𩠌名，我只负责食）真系大满足，系自从个d烂鬼social distancing policies 实施以来，加上𠮶d日日浸死我地嘅坏消息，真系好耐冇试过过一个咁舒畅而relax嘅晚上！呀，差d唔记得提佢个沙爹酱都好好味㗎。