Owens (將軍澳中心)

营业中

休息中

朋友介绍，今日终于的起心肝过来一试，本来food gulu 见到咁多张飞有啲想放弃，好在好快就到我哋，门口嘅职员们招呼好好，好友善。见到个二人餐抵过三人各自叫餐即刻🔨话咁快已上餐汤同饮品，餐汤真系要一赞，温度刚刚好，即饮唔烫口，非常有heart, 刚饮完汤啲后生仔女职员们好快手好有礼貌即来收汤碗，收完几乎即上第一道主菜-虎虾宽条面，热辣辣递上，虎虾好新鲜，连成个面底都好有虾味，跟住上嘅蒜蓉同芝士焗蚝，颜值一流，睇到食指大动，食落鲜甜多汁。最后上嘅肉眼扒，值得一赞嘅系用手机点餐时都有得拣几多成熟，因为有小朋友，我哋拣咗七成熟，效果超好，完全符合我哋要求，唔韧得来仲好juicy, 啲西兰花配菜初时以为系生嘅，食落先知原来有煮过，赞！最后上甜品，又系神速，窝夫仲系暖嘅，加埋雪糕一齐食，非常好味！餐厅整体都好好，尤其是啲职员好有冲劲，好快手，招呼又周到，离开时老板都亲自问一句"啲食物质素ok嘛"，咁有heart, 食物质素又咁好嘅餐厅，值得再次帮衬，希望餐厅上下保持呢份初心和冲劲，维持而家嘅水准！加油！