同德素食

营业中

休息中

今日想食清d，所以就去咗试下食素食。呢间素食选择好多，外型同味道都似出面嘅有肉菜式，啱d想试下食素食嘅人。环境：座位都坐得舒服，人唔算多，亦都唔会嘈，碗碟都干净。成间店都企理。食物：叫咗几款野试下，蟹黄鱼翅汤系南瓜汤黎，有d假蟹肉同鱼翅，几好饮。之后比较清淡嘅系唯山浸白菜。之后嘅沙嗲粉丝海鲜煲同羊茵豆腐就浓味d, 食落都好味同有惊喜。最后系黑松露海鲜炒饭，炒出黎估唔到咁有镬气。总括黎讲，值得一试，唔食素食都可以黎试下，特别一提，店员哥哥服务周到同有礼貌，做野快手。