靠得住粥麵小館 (Citylink)

营业中

休息中

話說我地嗰日下晝由旺角一路遠足到荔枝角，一共行咗一萬四千幾步，再坐車返到沙田。去到沙田已經過咗六點，所以我地只能夠買外賣囉。我地揀咗靠得住，當時冇乜人排隊，於是我地睇啱咗食咩之後就落單喇。十分鐘之後，就拎住一大袋去附近嘅公園去享用我地豐富嘅晚餐啦！我點咗淨鳳城水餃跟菜芯，男友點咗豬手麵跟鹹肉粽。水餃一共有五粒，每粒都皮薄餡靚，而且非常飽滿。豬手煙煙韌韌，補充返腳骨力。鹹肉粽味道唔算太鹹，食到有綠豆嘅清新香味。總體嚟講，靠得住果然係靠得住！