回味餃子豬．牛．鵝粉麵專門店

营业中

休息中

门前仲有开张花牌, 铜锣湾新店, 入黎食个下午茶先 , 新开张, 店舖光鲜整洁。回味饺子猪．牛．鹅粉面专门店果然名副其实, 有齐牛宝宝、鹅宝宝、鱼宝宝及饺宝宝, 改名有心思, 宝宝嘅意思系有齐唔同部位/种类嘅牛、鹅、饺子、鱼肉食物, 啱想试多啲花样的花心之人。崩沙牛腩拼鱼蛋崩沙牛腩靓仔到呢, 是真正的崩沙腩, 崩沙腩是牛腩中最矜贵的部位, 好易认, 有层牛的横膈膜与腩肉相连, 软腍味香, 肥瘦适中, 可谓牛腩中的极品, 坑腩肉味浓郁, 入口松软, 食完口中有微微的卤水回香, 好食。鱼蛋则爽口弹牙, 用胡椒除腥, 鱼鲜味很不错。麻酱冷面绝对推介, 冷面入口冰冰凉凉, 面质软滑得黎不失口感, 麻酱清酸, 酸酸甜甜的麻酱香, 配上清爽青瓜丝, 很开胃的主食。净狮头鲜鹅翼份量劲多,  鹅翼够大只, 好多肉肉食, 鹅翼卤得好入味, 打包返屋企送啤酒一流。鹅翼上面的甜酸菜都好好食, 爽脆, 甜、酸、辣、咸味道调配得很和合 配汤面、米粉等面食做伴菜好惹味, 食店可以考虑出樽装独立甜酸菜卖, 应该有市场。