Lara Lara

营业中

休息中

今次经开油塘大本营，发现一间新开嘅小店，不但有台式手摇饮品，仲有啲久违了怀旧小食。忍唔住帮衬左两杯饮品，买咗两包怀旧小食，仲有腐竹蛋薏米糖水返屋企做宵夜。🍹🍹店员推介下试咗呢啲杯叫KB824，据闻系老板为咗纪念自己喜爱嘅球星高比拜仁而设计。卖相已经好吸晴，颜色调得好靓，分量巨型，味道类似青柠梳打，天时暑热饮啱晒。🧋🧋另一杯试咗桂花乌龙+ 红枣蜜 +珍珠，桂花乌龙同红枣蜜味道异常地夹，加埋珍珠，味道好有层次，唔会太甜。🍪🍪怀旧小食选择好多，有南枣糕、凤凰卷、蛋卷、话梅、鱼干、金桔、水泡饼、肚脐饼等等，真系充满童年回忆。🥚🥚夜晚试埋个腐竹蛋薏米糖水，足料，劲多薏米腐竹，味道唔会太甜，好有自家制感觉。