魚鈁 (汝州街) (已結業)

今日约左朋友聚下，之后又太耐冇食火锅，所以就黎左呢间鱼钫食。我地叫左大锅嘅重庆鸡煲、原味焗蚬。至于饮品方面我地就叫左珍宝菠萝雪山(菠萝+椰汁)同珍宝红豆冰。先讲个鸡煲，佢有分同辣嘅程度，可以满足唔同人嘅口味。而且个鸡煲真系好大煲，我地几个人都系差D食唔晒。而佢D鸡好好食配埋D辣味简直一流。至于焗蚬我觉得真系必食，因为真系好好食，食嘅时候可以将蚬肉放落去D汁度，个汁有麻油味，所以闻同食嘅时候好香同好好食。另外野饮方面，呢杯珍宝菠萝雪山大就真系大杯嘅，而且佢可以消消鸡煲嘅辣味，但美中不足嘅就系杯野冇乜菠萝味。而杯红豆冰就冇得讲，因为大杯、多红豆，而且好好饮，一流。