Go Inside Kitchen (已結業)

我地点左个set dinner，前菜有蒜蓉包，个蒜蓉包好高水准，成个包面都填满哂厚厚蒜蓉，非常香浓！而且系新鲜焗出黎，特别好味。荷兰大啡菇田园沙律，黑色酱汁酸酸地好开胃！蔬菜都好爽脆。今晚餐汤系忌廉南瓜汤，份量算多，入口出乎预料嘅好味，唔会太杰，南瓜味好香口！主菜到啦，就系美国安格斯肉眼，切开相当鲜嫩，肉质唔硬，牛肉味浓，系好新鲜嘅牛扒，有美国牛扒嘅味道！至于个卡邦尼温泉蛋意粉，个汁好浓稠，拌住意粉食好惹味，但容易饱肚。甜品有蓝莓cheesecake，好满足。晚饭时间坐满哂成个场，要book定先好过黎！