餃掂手工餃子雲吞專門店

今日放工同同事嚟食饺子。唔系第一次食饺掂，佢系其中一间我都几钟意食嘅饺子店，因为佢有特别嘅黑松露饺唔系度度都有得食。不过因为同事唔钟意食黑松露，所以今次就试吓啲新嘢。点左至尊松茸猪肉饺跟状元九鼎汤，同黑松露饺一样都系店舖嘅招牌。佢感觉比较养生，所以我哋就要咗灼饺唔要煎饺。好饱满呀味道冇黑松露饺咁浓烈，但佢个松茸几大块，唔系切到细细粒，散发着淡淡嘅松茸味。一如既往佢个汤都系清清淡淡嘅，唔觉有落味精。今次试咗个新出嘅寿喜烧牛肉饺，唔知点解佢叫寿喜烧啦因为佢系山竹牛肉嘅味道。个馅同山竹牛肉好似，系滑牛嘅感觉。另外再叫咗个元贝猪肉饺。虽然望落就唔系好见有元贝丝，但食落系有元贝味嘅，仲加咗芹菜等去增加口感。净系食饺子又好dry, 点咗个四川凉皮。麻辣味好正，加上佢花生碎都多嘅，好快清碟。日本龙凤蛋配黑白松露酱溏心蛋配少少黑白松露酱几特别，可以话系双重滋味。山楂雪梨水