茶聊

营业中

休息中

今日同朋友去左旺角𠮶间楼上西餐厅，性价比都几高。开心果椰椰：呢杯开心果椰椰真系几夹。由于朋友钟意食开心果，所以就好奇点左。椰子水嘅清香同开心果嘅香脆，饮落口嘅感觉原来好夹，开心果比较浓郁，而梛青水清清淡淡，有阵梛香味。芒果草莓冷萃茶：本身拣拣茶底就系希望唔好太甜，呢一杯真系啱啱好。我本身拣咗微糖，佢真系茶底，然后加少少水果，食落去芒果同士多啤梨都好甜。所以嘢饮系清清甜甜淡淡嘅水果味。慢煮西班牙八爪鱼配蕃茄蒜蓉扁意粉八爪鱼慢煮得恰到好处，肉质鲜嫩多汁，配上浓郁嘅蕃茄蒜蓉酱汁，味道鲜美十足。风干德国脆猪手 配薯角•芥末蜜糖酱侍应介绍过呢度嘅咸猪手系特登风干过，所以食落去脆身少少，唔会太油腻。佢个肉质嘅咸度啱啱好，特别嘅系佢嘅薯条，系粗身嘅薯角好似扭扭薯条咁，分量十足！另外甜品嗌咗开心果巴斯克蛋糕同埋杂果挞。两个都唔会太甜，杂果挞上面嘅杂莓少少酸，所以中和返成个甜品。餐厅环境同服务都唔错，而且价钱都合理，上菜亦都好快，仲有少少打卡位。