Aroma Truffle (已結業)

Aroma Truffle 黑松露薯片之前成日都见人话好好食，今日系海港城CitySuper隔离，竟然发现喺尖沙咀海港城开咗新分店呀。Aroma Truffle 黑松露薯片有三只口味，分别有原味，巴马臣芝士味同蜜糖味。店员态度非常亲切，三只口味都可试哂先买。原味黑松露味非常香；再试蜜糖味，系一款淡淡甜味嘅黑松露薯片，味道都唔错；跟住试埋巴马臣芝士味，芝士味淡淡，唔会太强抢咗黑松露嘅味道。依一款我最中意，所以买咗依款返去。另外店员仲俾我试咗黑松露辣椒酱。辣椒酱辣味唔算劲，感觉有点似Tabasco。但加入咗黑松露，成个味道即刻升级咗。不过我比较少下厨，所以最终都无买到。谂谂吓都有啲后悔。揾日过去再买巴马臣芝士味黑松露薯片，顺便买埋依支黑松露辣椒酱先。