漢城美食

营业中

休息中

FD话佢返工附近，有间好正嘅韩国餐厅，全部系由韩国人打理，可以食到正宗嘅韩国嘢食，一定要试试啦。餐厅装修几韩风同埋整洁，晚市都可以安排4人table，坐得几阔落。Menu好丰富，可以食炸鸡，部队锅等，好难拣。一坐低，即刻送上3小碟韩式前菜，其中泡菜最好味，食落酸辣惹味，唔错。生米酒，食开韩国嘢，一定要搭配韩国传统米酒啦。韩国米酒，入口少少甘甜，酒味唔算好重，就算女仔饮都OK。韩式猪手（半份），半份都已经足够两人食。猪手斩成细件，皮好软糯Q弹，肉入口即化一D都唔柴。猪手已经腌制过，唔洗点酱已经好够味。猪手仲搭配埋两份酱汁，一个系韩国辣酱，一个系好特别嘅虾酱。如果包埋生菜一齐食，建议搭配特色韩国辣酱，食落好惹味。辣牛肉京葱汤，送上来仲热笠笠。配料好丰富，有粉丝，牛肉，菌菇同京葱丝等。汤入口大酱味浓郁，伴随少少辣味，成份饮晒身体都暖咗。如果系冬天，一定劲推荐饮哩啲炖汤。