新小泰皇食府

营业中

休息中

其实唔止一次去新小泰皇食饭, 不过一想食泰国菜就会念起小泰皇, 因为佢地既出品好正宗, d海鲜都好新鲜, 老板讲佢地既海鲜系日日清唔会留过夜, 虽然听落间间都系咁讲, 不过食落就知系唔系啦, 不过真系好好味同好新鲜.之前去撞啱佢地一周年party, 我地几条友系到食完饭之后系到饮野, 佢地仲请我地一齐玩, 我觉得佢地好热情仲好nice. 今次我地又去食饭,佢地仲认得我地, 真系好记性, 佢地仲整左一个沙律比我地食, 真系好地道, 类似木瓜沙律但系有d米线系里面, 味道又同木瓜沙律有d唔同, 好辣, 不过越辣越想食, 佢地介绍左一个炒辣蟹比我地, 味道有d似中国人既避风塘炒蟹, 不过当然泰式哩种既味道比较丰富d,而家念起都想食 .仲有个辣椒膏炒蚬, 其实系花甲来既, 哩个真系要赞吓, 唔单止个汁好味唔会抢左蚬既鲜味, d蚬好甜好新鲜, 唔系养左几日无鲜味果种. 我地叫左个蒜蓉饱来点个汁, 唔一定要叫咖哩来配先好食. 仲有佢地d甜品,我最钟意系椰汁西米糕,唔太甜, 合我谓口.加埋饮品加一, 埋单五百几蚊. 价钱合理. 环境几舒适, 不过而家既天气,座系室外可能有d飞蚁飞来飞去,有d怕.