影片
更多
2018-12-30
83 浏览
我同男朋友不嬲都中意食麻辣野，自从去左重庆之后就对重庆火锅念念不忘，所以今次就决定试下呢间重庆过江龙！首先讲下个环境，间餐厅都几大，加上我地两个人坐左张四人枱，啲座位好阔落，每张枱都有usb充电位，同埋有个小围巾等啲汁唔好弹到件衫，好贴心既安排！另外每人都有两对筷子，一对长既用黎渌野，另一对短既用黎食野。小食方面有花生同腌蒜头食，蒜头我兴趣不大，但花生炒的几香。今次我地叫左麻辣汤底(中辣)拼松茸野菌汤，双拼系计贵啲𠮶个汤再加$20，而本身呢两个汤都系$160，所以双拼就$180。虽然一开始都觉得偏贵，但黎到就觉得呢个质素黎讲其实唔算贵。汤底上左之后侍应比左两只碗我地装个菌汤饮，个汤底超浓郁，系出去就咁叫炖汤𠮶只味，同埋有好多菇系入面，完全唔系味精沟水𠮶啲颓汤，果然一分钱一分货！而个麻辣汤啲辣椒同花椒都超多，十分足料，但食野既时候要小心，成日食肉或者鹅肠𠮶时会包住左个花椒，咬爆左之后搞到个口痺晒…调味料方面，枱面本身就有个调好左既酱料，入面有啲蒜葱同麻油，正宗重庆火锅就系麻辣汤渌完野之后点麻油，之前听啲重庆人讲咁样食系可以等啲野食无咁热同埋香啲，我系香港从来无见过呢只咁正宗既食法，真系好
首先讲下个环境，间餐厅都几大，加上我地两个人坐左张四人枱，啲座位好阔落，每张枱都有usb充电位，同埋有个小围巾等啲汁唔好弹到件衫，好贴心既安排！另外每人都有两对筷子，一对长既用黎渌野，另一对短既用黎食野。小食方面有花生同腌蒜头食，蒜头我兴趣不大，但花生炒的几香。
今次我地叫左麻辣汤底(中辣)拼松茸野菌汤，双拼系计贵啲𠮶个汤再加$20，而本身呢两个汤都系$160，所以双拼就$180。虽然一开始都觉得偏贵，但黎到就觉得呢个质素黎讲其实唔算贵。汤底上左之后侍应比左两只碗我地装个菌汤饮，个汤底超浓郁，系出去就咁叫炖汤𠮶只味，同埋有好多菇系入面，完全唔系味精沟水𠮶啲颓汤，果然一分钱一分货！而个麻辣汤啲辣椒同花椒都超多，十分足料，但食野既时候要小心，成日食肉或者鹅肠𠮶时会包住左个花椒，咬爆左之后搞到个口痺晒…
调味料方面，枱面本身就有个调好左既酱料，入面有啲蒜葱同麻油，正宗重庆火锅就系麻辣汤渌完野之后点麻油，之前听啲重庆人讲咁样食系可以等啲野食无咁热同埋香啲，我系香港从来无见过呢只咁正宗既食法，真系好似返左重庆食咁！同埋佢个调味料碟有两边，一边比你放酱料，另一边有个隔比你点完酱料之后放过去隔一隔啲油，食𠮶时就唔会食到成口都系油。不过如果食唔惯点麻油都可以去自助酱料区𠮶到自己调，有葱、蒜、芫茜、辣辣酱、豉油、麻油……我食麻辣汤𠮶时就点麻油，食菌汤就点豉油，个豉油甜甜地，都几正！
之后终于到重头戏，就系啲野食！我地叫左羊肉、重庆伸腿瘦鹅肠、鸵鸟肉、猪脑、娃娃菜、重庆小面、五色小笼包、虾滑同埋叫左杯冰粉。本身重叫左苕粉，但今日无晒，不过好彩无晒，因为今餐食到超饱，有埋苕粉应该会食唔晒。一开始叫完觉得可能会唔够食，谂住食完一轮再叫，但个份量比想像之中多，所以如果两个人食，再叫少啲都ok。
羊肉
$88
5 浏览
0 赞好
0 留言
首先讲下个羊肉，偏瘦，无乜苏味但有羊肉既香味，麻辣汤渌超好食，同埋摆得好靓，呢碟野都几多，四个人share都ok。
鸵鸟肉
$48
5 浏览
0 赞好
0 留言
之后讲下鸵鸟肉，今次系我第一次食鸵鸟肉，我觉得无论口感定味道都系介乎猪肉同牛肉之前，但鸵鸟肉比其他肉嫰，店员话煮两三分钟，但佢话煮耐左都唔紧要，因为会愈煮愈嫰，好神奇！有时真系煮到唔记得左佢，之后拎返上黎都重系好嫰。同埋佢腌得几好食，我觉得下次黎都可以再叫。
重庆伸腿瘦鹅腿
$128
5 浏览
0 赞好
0 留言
跟住讲下鹅肠，佢有分两只，一只系香港肥鹅肠，另一只系重庆瘦鹅肠，咁食得重庆火锅紧系试重庆𠮶只啦。店员话呢只鹅肠左右拖十五下就食得，同埋佢地研发到呢只鹅肠系可以熟左但唔会卷埋一齐，重系keep到直既，我就唔知点样做到，但个口感的确比平时𠮶到弹牙。同埋佢有啲冰系下面冰住啲鹅肠，上碟既时候重有个花系面，碟野靓食都食得开心啲，哈哈！
五色小笼包
14 浏览
0 赞好
0 留言
五色小笼包系唯一一个写住必食既野，咁紧系要试下啦！店员话呢个小笼包重系试验阶段，如果煮𠮶时穿左会退返钱比我地，但煮左五个都无穿。今次系我第一次食唔系蒸既小笼包，五只色代表唔同既味，黑色系黑松露、白色系原味、黄色系人参、橙色系蟹粉，重有只我食完都唔知咩味，我觉得最好食既系黑松露味，好重黑松露味，正！佢唔似平时啲小笼包咁薄皮，始终因为要系汤到煮，所以皮既厚度同薄皮既水饺差唔多，同埋每粒咬开都有肉汁，味道几鲜甜，整体系值得推荐既。不过我唔系只只味都咁中意，希望以后可以单点其中一只味啦。
娃娃菜：切开左，呢个大细几易熟同埋食得方便啲，我地全部都菌汤煮，好鲜甜，份量都几足，叫一份菜两个人食都已经好够食。
虾滑：啲虾滑好弹牙，同埋有啲虾肉系入面，增加左咬口，令到口感更有层次。我地煮煮下有店员过黎帮我地整，佢教我地每整完一旧都可以将只匙羹浸一浸热汤，咁就虾滑就唔会痴住只羹，用左呢个方法即刻好整左好多！同埋睇落虽然唔多，但唔知点解好似食极都重有，呢个质素黎讲自己出去买可以都差唔多价钱。
重庆小面
21 浏览
0 赞好
0 留言
重庆小面：好似同之前食既重庆小面都质唔同，但都系弹牙好食既面。第一旧放左系麻辣汤𠮶边煮，痴左一堆花椒同辣椒上黎，辣到顶唔顺，所以第二旧就放左系菌汤𠮶边煮，煮熟先去麻辣汤𠮶边浸一浸，咁就差唔多啦。真系唔煮小面都唔觉个汤原来咁辣。
猪脑
2 浏览
0 赞好
0 留言
猪脑：男朋友唔食猪脑，所以我自己食晒两旧，但麻辣猪脑真系超正！之前去重庆食𠮶时，当地人教我地猪脑系一开始就放入去，食到最后先拎返出黎食，因为猪脑都要煮几耐下，加上煮耐左都唔影响口感，所以我都系一黎就放系猪脑落去由佢煮，煮到索晒啲汤既精华，好香又好嫰，不过好多人都唔敢食猪脑，所以成日都要自己食，so sad…希望以后会揾到识欣赏猪脑既朋友同我一齐食啦！我个人觉得成晚最好食就系猪脑，麻辣火锅必食！
冰粉：解辣消暑必食，之前去重庆日日都食两三碗，今次第一次系香港食，呢间系将冰粉整到野饮咁，配啲花生芝麻果干，配火锅食几得意既，尤其系食完个麻辣小面之后，真系好彩有佢！同埋呢个冰粉本身系唔甜既，店员会另外比个红糖水你自己加入去较甜度。
我地今次无叫酒，但我发现呢间野啲酒都几平，啲啤酒都系廿几蚊枝，Tower都系三百几，重有清酒同红酒饮，唔去吧黎呢到食下火锅饮返两杯都可以，我地应该系少数无饮酒既枱，因为当我知啲酒咁平既时候我地已经好饱，下次再黎要留肚饮返两杯。
呢间野个餐牌每样野食都有写建议煮既时间，最啱我呢啲手残一旅，成日都唔肯定熟未，又惊煮太耐唔好食。加上店员都好好，有时见你好迷惘都会过黎帮手睇下，又会教你点煮，又会帮手睇下熟未等，服务唔错。同埋火锅煮到少水既时候，店员会帮手加返汤，唔系就咁加水就算。同埋成日都会帮我地较火，我地全程都无理过个火，都系放心放比佢地。
整体黎讲呢间野食物质素、环境同服务都好唔错，价钱算偏贵，我地两个人食连埋加一都要差唔多八百，但我地系叫得太多野食既，我估每人三百左右应该都已经够饱，加上我地得两个人，净系汤底钱每人都$90，所以多人食应该会抵食好多。我觉得呢间野啱一班朋友一齐食，再小酌几杯倾下计。或者怀念地道重庆火锅既人都可以黎食下，始终香港地好少有啲咁正宗既火锅，虽然贵左少少，但一分钱一分货，我觉得咁既质素黎讲其实都唔算贵既。
张贴
