水源韓國料理 (已結業)

讲小小背景先 ，跟屋企人来食过几次都知道呢间店嘅小小背景！ 呢间店系一个韩国老板娘开嘅，老板娘系韩国人所以唔会太识讲广东话，可能都识听一两句挂，因为喺店入边工作𠮶个就系佢嘅老公，老公应该系香港人因为广东话好流利！ 所以话韩国人开嘅韩国店质素点会差？ 我觉得好好味添！ 每次我们都要嗌嘅海鲜煎饼，炸粉好薄，海鲜好足料，佢会有个咸咸地嘅汁，我哋通常一上枱已经忘记咗个汁㗎啦，一下子一人一件就食晒！ 热辣辣脆脆地好好味！ 跟住就系佢嘅韩式炒粉丝，个咸味唔系死豉油味，佢仲会有韩式𠮶种甜甜地嘅味！ 好开胃好好食，仲要有唔少配料添！ 同我喺韩国食嘅味道一样果然好正宗！ 呢度仲有个芝士卷蛋，芝士好浓郁，蛋味够香够滑，好正啊！ 虽然店入边嘅店员唔多，但系佢哋好有礼貌！好有亲切感！ 其实我哋最钟意嘅都系佢好多款式嘅餐前小食，一坐低就摆低四五样嘅餐前小食俾我哋，有甜薯仔啦，泡菜，豆芽，青瓜！ 有时老板仲好好人咁添加俾我哋食！ 当然要佢得闲先得喇！ 呢间铺头嘅烧肉都好出名，夹住生菜食，加埋秘制酱料！ 好正！ 推荐x100