元豐園

营业中

休息中

听过哩间野既大名但都系冇咩机会试,终于揾齐人去试。个日一早已经打左book位(友善提醒:间野好Full,要食好野坐好位就要最好前一日book定),我地一行三人就叫左个4人餐,系烧烤套餐,入面有鸡,牛,猪,几块鱿鱼同虾比你烧。未黎主菜前已经好似一贯韩国餐厅咁比差唔多十碟小菜比你食。泡菜好正,食得出放左一D海鲜既酱料去掩。萝卜好脆,辣度适中。最最最推荐既系个薯仔,好淋入晒味。食到咁上下主菜就开始黎,猪牛鸡掩得好入味,基本上唔洗点豉油已经好够味,跟住仲有辣豆腐汤,系咁冻环境饮番碗真系几正。最后黎左个炆牛肋骨,肉好淋同旧骨分开晒,牛既汁入晒去底下既萝卜。食完哩间之后先知正宗既韩国菜就系咁样,有D人话间野既服务好差,但只系韩国人直肠直肚既语气令大家好唔爽，只要大家礼貌D客气番其实佢地都好nice咁对番食客,例如会教番你点用泡菜包住旧肉食先系最好。