忠孝東路

营业中

休息中

今日去左忠孝东路食晚餐，因为唔系好肚饿，净系叫左三样野食算。呢间餐厅主打台湾食物，我地叫左主打既忠孝牛肉面，佢地面嘅份量都几多，女仔黎讲食一半都饱左，面质地比较硬身而弹牙，而牛肉都有成四大块，一块有半个手掌咁大块，好似牛展咁切成一块块，汤底都算浓郁，少少辣味，钟意食辣既会觉得唔够辣味；凤梨黑醋骨比较有惊喜，排骨酸甜适中，而且肉都唔系咁肥，属于偏瘦嘅排骨，怕肥嘅女仔都可以放心食，佢嘅菠萝食落唔似罐头味，应该系用新鲜嘅菠萝整出黎，所以特别鲜甜，配合埋黑醋汁酸酸咪咪10分开胃！食饱饱后，最后嚟一杯热嘅宝岛珍珠奶茶黎收尾，杯珍珠奶茶同台湾一样都系比较甜， 啲珍珠较为大粒，而且份量都唔少，食得特别烟烟银银，好友𡁻口！另外仲值得一提嘅系店舖嘅环境，喺门口附近有一个壁画墙，方便钟意影相嘅朋友喺度打卡，而且临近圣诞节餐厅出面嘅商场位置都好多圣诞嘅灯饰可以打卡影相，整体来讲餐厅属于行小清新路线，灯光都较为光猛，方便大家倾计食饭！