栢檔極品海南雞飯 (已結業)

荃湾除左系一个民生区，想买既有相宜之外，仲包罗万有！当然系其中一个我中学既美食啦😊谂住好好食既海南鸡饭同喇沙都系超正！话说都有2年左右冇食过海南鸡！今日行街经过荃新天地就去揾下有冇店舖食到海南鸡同喇沙先😀行左阵见到有间装修好靓，主要用黄色、绿色、红色为主调的装修格调！仲有我好钟意既花草植物墙！完全唔似香港既格调，好relax!再加上次我都系同柏档食野，见到佢个名又系叫栢档！我地都笑左一下！入到去位置好舒服可以打下卡影下相！老板仲好好人，比左碗好大既肉骨茶我地，入到料子十足，仲有龙眼肉非常入味！再加上肉骨分离，食用方便！仲有豆卜浸汤入哂味！都唔错！之后叫我想食既主角啦！海南鸡加喇沙，完全满足左我个日既食欲！加上柏档叫左个猪颈肉饭👍真心赞猪颈肉食到唔想食！好滑唔肥，仲有三个酱汁可以点！有甜酸酱，海南鸡酱油！仲有葱油！满足想每次食同一样野都有唔同味道既人😊仲有一个小食麻辣猪耳！好香唔算好辛辣！唔食得辛辣都唔会好辣！最后饮品叫左个热既银菊露滋润下，老板最后仲问要唔要甜品😊但真心讲己经好饱😁想食饱满足下次可以黎呢间！