蟹仙海鮮蒸氣鍋 (已結業)

系元朗揾紧食咩晚餐既时候，见到海鲜蒸气石碢就胆粗粗去试下。好彩时间尚早唔洗等位，到左食饭时段已经坐满了。第一次食，叫左最平个$298海鲜餐试试先（逢星期五、六、日、公众假期及前夕每位要加$28啊）因为唔识拣食边款蟹好，拣左多膏d既越南顶角膏蟹试，员工好好，放落去石碢前会介绍一下深歇色的都是蟹膏，强调是可以吃的，哈哈！越南顶角膏蟹，超级多膏，食落鲜甜美味，感觉好似食大闸蟹一样。澳洲青年龙虾，多膏之余肉质爽口鲜甜，虾肉容易起出黎，唔会要落手食。翡翠九孔鲍鱼、纽西兰青口、日本大元贝、泰国海中虾全部都鲜味十足，基本上依餐既海鲜无点过酱油食。而且火喉岩岩好，贝壳类海鲜食落都唔会太韧。蔬菜篮有娃娃菜、粟米、南瓜片。因为用蒸气石碢煮既关系，食落特别juicy食埋最后两款海鲜，越南贵妃蚌同埋深海龙趸片，其实都已经饱饱地。但系仲有今餐既精华海鲜粥底，将咁多款海鲜味道渗入粥底，真系好正！总括黎讲，海鲜新鲜先做到咁鲜甜效果。员工话因为老板系香港海鲜入口商经营批发，海鲜会运到铺头先批出去呢。