籠町茶番 (已結業)

同老公二人想行去荃丰睇下野，经过绿杨时老公话好热想饮杯冻野，咁啱就比我地见到呢度有间茶店，咁就决定买返杯爽下。咁我本人好钟意饮抺茶加红豆呢个配撘嘅，但试过好多出面嘅台式奶茶店都系冇咩抺茶香味只有甜味，但我见呢间茶店都好主推抺茶呢样野就梗系要一试啦！当然我系拣我最爱嘅抺茶配红豆一试啦，抺茶味好香，真系饮到好浓嘅茶香味，仲有茶粉系底tim，红豆用糖水煮过够甜但又唔会话煮到溶哂咁。唯一美中不足系佢成杯都太甜，老公买时话见上一位客人话要少甜，但店员答覆冇少甜呢样野，如果有得少甜就好弓，因为本身红豆嘅甜味已经好够。老公拣左朱古力拿铁沙冰，其实系我迫佢拣，因为我心好想饮抺茶红豆但又好想试呢个，朱古力好香浓但拿铁味就唔多觉，咁热咁嘅天气饮沙冰系好爽嘅，不过同样都系较甜。呢间茶店舖仔细细又唔系话十分大连锁店，但估唔到质素又唔错wor.