小甜谷 (已結業)

星期日与囝囝及老公响佐敦附近晚饭庆祝爸爸节。食完乱逛睇睇有咩饭后甜品食，竟然行到去金巴利道！原来呢到新开咗间"小甜谷"，听就听过呢间店好耐但唔就脚仲未试过 ~ 还好晚上7点仲未到甜品peak hour，可以人少少比囝囝舒舒服服咁叹吓！(听讲晚饭后夜d劲多人 )我点咗 "千层酥皮芒果卷配雪糕" 同囝囝 share，老公就点咗 "杨枝金露凉晶晶" 不得了！囝囝劲爱千层酥皮芒果卷！酥皮好脆一层层好薄热辣辣！芒果合时新鲜好甜！老公个杨枝金露都好掂呀，白色嘅凉晶晶系荔枝味！食完唔够喉，老板推介 "北海道牛乳炖蛋白"！ ~ 呢个真系惊喜！又滑又香！最"正"系甜得嚟唔会太过甜！最岩我呢d又要食甜但又唔想太过甜嘅麻烦友！另外环境干净整洁，老板同员工都好亲切！下次行过一定会再帮衬试埋其它甜品！~ 加油！！！