炭兎

营业中

休息中

呢间湾仔店超有气氛，日本人主理，食物又有质素，好岩feel～我地今次又食豪左，铁盒烧牛蚝加左拉克莱特芝士落3只蚝！无芝士确系食到好突出嘅鲜味，有半溶芝士就会加上咸香味道，睇住由烧到熔芝士嘅过程，真系会流口水！日式洋食屋嘅义大利前菜 - 炙烧和牛卡尔帕乔，今晚真系整得好好食，外层烧香、肉嫩无筋，配洋葱柠檬汁，酸酸地好醒胃～一口size嘅姜葱醋鲭鱼卷好perfect，里面有姜、葱、醋鲭鱼，又酸又辣又juicy～呢度嘅串烧、烧鱼系好正，可以睇到传统嘅炉去烧，比普通火枪烧更香。另外，呢度入货嘅明太子质素好日本地道，甜辣鲜恰到好处～所以鰯鱼（沙甸鱼）伴明太子、盐烧鸡肝、芥末鶏柳、鶏腿肉，都好味～特别嘅山芋（淮山）明太子铁板烧，又滑又黏之余有明太子独有嘅鲜辣味，仲有墨鱼粒增加口感，唔系度度有。仲有个呢度signature嘅栃尾油炸豆腐，系新潟县中央的小镇栃尾歴史悠久嘅乡土料理，师傅将呢款油豆腐上而加上吻仔鱼，好似寿司咁好吸引，配上姜茸更好味。摸住杯Calpis Soda倾计都好畅快～